Teenage pregnancy--a contemporary problem of adolescence.

OPSOMMING Weens verskeie faktore in die hedendaagse samelewing word tienerswangerskappe 'n gemeenskapsgesondheidsprobleem. Swangerskap by die tiener het indirekte ekonomiese gevolge weens die lae vlak van skoolopvoeding en die hoër pariëteit wat gewoonlik daarmee gepaard gaan. Verder hou swangerskap by tieners ’n hoër risiko vir die moeder en kind in as by ouer vroue. Besondere probleme wat deesdae dikweis met tienerswangerskappe saamhang is seksueel-oordraagbare siektes en dwelmverslawing. Die alternatiewe van aborsie en die gee van die kind vir aanneming bring ook albei eiesoortige probleme mee. Gesondheidspersoneel het ’n rol in die voorkoming van tienerswangerskappe deur gesondheidsvoorligting en die verskaffing van kontrasepsie, asook in die voorsiening van ondersteunende dienste voor en na swangerskap.